Sabo matina, jerimo pronti tuti do, ciascuno su ea sua haerlei, un sabo matina de agosto, pronti per partire par Cesenatico per un ueken de paura, su e nostre do moto, bee, nere, tute cromà, mi a ciamo haerlei davison, non me va de vardarghe il serbatorio per saver come che se scrive.
Jerimo pronti insoma, Yanes e mi, me varda el me dise se mi so Sandokan, mi podaria anca esserlo, ma eo, el me caro amico de sfiga e ventura, ghe somijava anca, mingherlin, stempià, co e a cicca storta in boca, i stivai de pee de vaca, e braghe de pee nera, i ociaeti tondi de tono fuxia e a barba de do dì.
Jerimo pronti go dito, el casco fracà in testa e man sul manubrio, pie par tera, esiero toco de l'acelerator, in marcia, semo partii col soriso in boca verso el soe.
Nessun commento:
Posta un commento